放手
大B學識踩單車，現在有鋪單車癮，日日都話去踩。好呀停課成年肥咗咁多要減肥啦！我哋大人冇單車，佢學識咗，自己就一支箭咁，我同Daddy都發現，未買大人單車之前，追住佢架車都唔係辦法。不過我她對佢有信心，因為佢個人好sensible，所以我就會企係單車徑一邊暴曬，而就一個信字比佢自己踩去街尾再踩返來。第一次我一路等，點解仲未見佢嘅？心入面盤算究竟來回係咪要咁耐呀？好彩佢之前叫我time佢，見到佢個身影返嚟時放心晒，而且知道咗來回中間冇停係大約要12 分鐘。之後我就用呢個時間做reference，如果12分鐘之後都唔見影，先驚都未遲啦！不過佢次次都準時嘅。但想踩遠D的話，要等Daddy買咗單車先。Daddy細細個就同Granddad 同佢細佬由英國踩去法國。呢度就無法國喇不過上山下海都仲可以嘅。練成之後可以同爺爺、Daddy踩去法國啦！
其實小朋友怕大人行開，大人又何嘗唔係一樣有separation anxiety? 不過呢，小朋友係要學習獨立，係會長大。父母要一步一步學識放手，小朋友先可以成長。
#單車 #kidsport #放手 #英式主婦 #育兒 #親孓 #成長 #cycling #seperationanxiety #parenting
Search